Դուրովը հայտարարել է՝ կնախընտրեր փակել Telegram-ը, քան բացահայտել օգտատերերի տվյալները

Telegram-ի հիմնադիր Պավել Դուրովը հայտարարել է, որ հարթակը երբեք չաթի տվյալները չի կիսել երրորդ կողմերի հետ։ Նա այս մասին գրել է X սոցիալական ցանցի իր էջում։

«Telegram-ը իր ողջ պատմության ընթացքում երբեք չաթի տվյալների ոչ մի բայթ չի բացահայտել երրորդ կողմերին։ Եվ մենք կնախընտրեինք փակել ամբողջ նախագիծը, քան դա անել», - գրել է նա։

Ավելի վաղ Դուրովը խոսել է WhatsApp-ի անապահովության և դրա խոցելիության մասին հարձակումների նկատմամբ։ Նրա խոսքով՝ պետք է լիովին անխելք լինել՝ հավատալու, որ այս մեսենջերը անվտանգ է 2026 թվականին։