«Արսենալը» պայթեցրեց տրանսֆերային շուկան․ Բրունո Գիմարայեշը՝ £75 մլն-ով

«Արսենալը» պաշտոնապես ձեռք է բերել «Նյուքասլի» նախկին ավագ և բրազիլացի կիսապաշտպան Բրունո Գիմարայեշին։ Տրանսֆերի արժեքը կազմել է 75 միլիոն ֆունտ. հայտնում է BBC Sport-ը։

28-ամյա ֆուտբոլիստը լոնդոնյան ակումբի հետ կնքել է 4 տարվա պայմանագիր, որն ունի ևս մեկ տարով երկարաձգելու հնարավորություն։ Գիմարայեշը նշել է, որ «Նյուքասլից» հեռանալը իր կյանքի ամենադժվար որոշումներից մեկն է եղել։

«Նյուքասլը շատ մեծ նշանակություն ունի ինձ համար, սակայն ես ցանկանում էի կյանքումս ինչ-որ նոր բան փորձել։ Պատրաստ եմ նոր մարտահրավերի։ Ցանկանում եմ նվաճել տիտղոսներ, պատմություն կերտել և կարծում եմ՝ դրա համար ճիշտ վայրում եմ»,- ասել է բրազիլացին։

Գիմարայեշը «Նյուքասլ» էր տեղափոխվել 2022 թվականի հունվարին, երբ թիմը պայքարում էր Պրեմիեր լիգայում մնալու համար։ Նա առանցքային դեր է ունեցել ակումբի վերելքում և 2025 թվականին թիմի հետ հաղթել է Անգլիայի լիգայի գավաթը՝ դառնալով «Նյուքասլի» յոթ տասնամյակի ընթացքում առաջին ավագը, որը բարձրացրել է խոշոր ներքին տիտղոսը։