Միքայել Մինասյանն ինձ խնդրեց դադարեցնել ընտրությունների արդյունքներին ու «Հայաստան» դաշինքին անդրադառնալը. Ես խոստացա, որ 14 օր կլռեմ

«Ադեկվատ» միաբանության համահիմնադիր Արթուր Դանիելյանը ֆեյսբուքյան իր էջում գրել է.
«Փաշինյանը պնդում է, որ պատրաստ է ստորագրել դեմարկացիայի թղթերն ու հավաստիացնում է, որ մայիսին է պատրաստ եղել, սակայն դա չի արել, քանի որ ինչ-որ ներքաղաքական աղմուկ է իրեն խանգարել: Հիմա եկեք հասկանանք` ի՞նչ աղմուկի մասին է խոսքը, այն էլ՝ մայիս ամսից էս կողմ:

Վերջին աղմուկը «Հայաստան» դաշինքի հանրահավաքն էր, որտեղ հավաքվել էր 3000 մարդ: Սա աղմուկ չի կարող համարել նույնիսկ այդ հանրահավաքի կազմակերպիչը: Բոլորս հասկանում ենք, որ միջոցառումը կազմակերպվել էր զուտ ընդդիմադիր դաշտում «ներկա» ստանալու համար: Նույն հիմնարկի վերջին հանրահավաքին մասնակցել էր մոտ 30,000 մարդ, որոնց մեծ մասն, իհարկե, նույնիսկ չի էլ ընտրել էդ ՍՊԸ-ին, բայց շատ հանգիստ կարող էր բերման ենթարկվել նաև նոյեմբերի 8-ին: Ուրիշ հարց, որ դրա կարիքը չկար: Ակնհայտ է, որ կար հակառակի կարիքը՝ անել ամեն ինչ, որ Փաշինյանը հանկարծ դժգոհելու առիթ չունենա:

Մարդիկ սիրուն լեգտիմիացրին սկզբից՝ ընտրությունների գաղափարը, հետո էլ՝ այդ ընտրությունների արդյունքները: Դրան հաջորդեց ԱԺ առաջին նիստը, որտեղ զոռով արեցին այնպես, որ Ալեն Սիմոնյանը լինի ԱԺ նախագահ, որ ԱԺ-ն առհասարակ ունենա նախագահ: Բուն ԱԺ նիստերն անցնում են անբովանդակ ու առանց որևէ խնդրի: Սրա ի՞նչն էր «աղմկոտ»: Ընդհակառակը, «ընդդիմությունը» ամեն ինչ անում է, որ սա ստորագրի, որ բողոքելու բան չունենա:

Կամ, ասենք, հիմա էդ ի՞նչ եղավ, որ աղմուկ չկա ու պատրաստ է ստորագրել, իսկ էս նախորդող հինգ ամիսը չէր կարողանում՝ աղմուկն էր խանգարում: Էլ չասեմ, որ աղմուկը Արցախը հանձնելուն չխանգարեց, իսկ հիմա խանգարու՞մ է...

Աղմուկ իրականում եղել է. այն տեղի է ունեցել հենց մայիսին, ավելի ստույգ՝ մայիսի 19-ին, երբ Միքայել Մինասյանը հրապարակեց ստորագրվելիք փաստաթղթերը: Փաշինյանը, այս աղմուկին հղում անելով, հաջորդ օրը բողոքեց սեփական ԱԳՆ-ից, պնդելով, որ ԱԳՆ-ում Մինասյանի անունը լսելիս՝ մարդկանց «ոտքերը թուլանում են», ակնարկելով, որ այդ թուլության պատճառով նախարար չի կարողանում նշանակի բանակցություն վարելու համար: Սրա պատճառով Լավրովը պահանջել է ՌԴ իշխանություններից ձերբակալել Մինասյանին ու արտահանձնել նրան Հայաստան, որտեղ հետախուզվող Մինասյանին կալանավորելու որոշում կա: Չձերբակալեցին, բայց հունիսի 22-ին Մինասյանի մտերիմներից մեկի` Հակոբյան Միհրանի մեքենայի տակ նռնակ գցեցին: Որ մեսիջը տեղ հասնի... Հասավ: Նույն օրը Մինասյանն ինձ խնդրեց դադարեցնել ընտրությունների արդյունքներին ու մասնավորապես՝ «Հայաստան» դաշինքին անդրադառնալը: Ես խոստացա, որ 14 օր կլռեմ: Լռեցի մի քանի անգամ ավելի երկար: Հետո էլ չլռեցի: Նռնակներից վախեցող լինեի, Աղդամ չէի հասնի, իսկ ով վախենում է, թող ինձանից հեռու մնա:

Ես երդվել եմ, որ մեղավորները պատասխան են տալու ու կտան՝ առնվազն պատմության առաջ»։

Այս թեմայով «Երեկ երկու շատ խորհրդավոր իրադարձություններ տեղի ունեցան». Արթուր Դանիելյան «Մոսկվան բերեց, հետո փրկեց, հետո վերալեգիտիմացրեց մի մարդու, որի նպատակը Մոսկվային չեզոքացնելն էր ու նա դա արեց» Արթուր Դանիելյանին բերման են ենթարկել «Հրապարակ». Ի՞նչ են քննարկել Վիկտոր Սողոմոնյանն ու Միքայել Մինասյանը Հիշենք՝ ինչ ձեռնարկեց հեղափոխական ուժը, լավագույն դեպքում ավարտվեց ձախողմամբ, առավել հաճախ՝ ողբերգությամբ. Մինասյան Նիկոլը պլանավորում է հայի արյունը թափել հայի ձեռքով. Միքայել Մինասյանը տեսանյութ է ներկայացրել Ձայնագրության հերոս դատավոր Վաչե/Հրաչ Մարգարյանը բավարարել է Միքայել Մինասյանին կալանավորելու միջնորդությունը. փաստաբան Այսօր ապացուցվեց, որ Հայաստանը ներկայացնում է ոչ թե գիժը, այլ գիժ ձևացողը. Միքայել Մինասյան Ալիևի հետ բանակցողն էլ ես, հետը լիֆտերում ու գաղտնի, ուղիղ կապերով խոսողն էլ ես, նարկաման տղուդ փոխանակող ես, զանգի փոխանակի, ի՞նչ ես շոու սարքում. Մինասյան Նիկոլը վերաբերվում է ուրիշի երեխաներին ոնց ուզում է, ինչպես իր սեփականություն. Մինասյան