Վարդան Օսկանյանը պաշտպանում էր իշխանության կողմից նախապատրաստվող սպանդը. Ալեքսանդր Արզումանյան
Գլխավոր Լուրեր
«Վարդան Օսկանյանի հետ, իմ հրաժարականից հետո, տասնքանի տարիների ընթացքում չեմ հանդիպել։ Եթե եղել են ընդունելություններ, հեռվից իրար տեսել ենք, չենք էլ մոտեցել», – այսօր լրագրողների հետ հանդիպման ժամանակ ասաց «Ազատ դեմոկրատներ» կուսակցության անդամ Ալեքսանդր Ազումանյանը՝ մեկնաբանելով ԱԳ մյուս նախարար Վարդան Օսկանյանի հետ իրենց հանդիպումների մասին մամուլում տարածված լուրերը։
Ըստ Արզումանյանի՝ Սիվիլիթաս հիմնադրամը իրեն՝ որպես բանախոսի, հրավիրել է մասնակցելու «100 հարց և պատասխան» հաղորդմանը մեկ շաբաթ առաջ։
«Վարդան Օսկանյանը, լինլով Սիվիլիթաս հիմնադրամի նախագահ, ինձ դիմավորել է, ողջունել է, անցել ենք դահլիճ։ Այդքան բան, այդքանով սահմանափակվել է իմ և իր հանդիպումը»– հավատացնում է նա։
Ալեքսանդր Արզումանյանը Օսկանյանի մասին չի փոխել իր կարծիքը, որ նա մարտի 1-ի կարևորագույն պատասխանատուներից մեկն է։
«Վարդան Օսկանյանն էր , երբ ժողովրդի վրա կրակում էին, հանդես գալիս նախագահականում, տարածում էր ճշմարտությանը չհամապատասխանող լուրեր՝ ընդդիմադիր խաղաղ ցուցարարներին վերագրելով ապօրինի գործողություններ և պաշտպանում էր իշխանության կողմից նախապատրաստվող սպանդի այդ ողջ գործընթացը», – նշեց նա։
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
