Ղրիմում այսօրվանից ռուսական ռուբլին պաշտոնապես կառնվի շրջանառության մեջ
Աշխարհ
Ղրիմում այսօրվանից պաշտոնապես շրջանառության մեջ կառնվի ռուսական ռուբլին: Այս մասին հայտնում է Аргументы и факты-ն:
Ավելի վաղ արդեն հայտնվել էին, որ Սիմֆերոպոլի մի շարք հաստատություններում ապրանքներն ու ծառայությունները կլինեն երկու գնանշումով՝ գրիվնայով և ռուբլով: Խանութներում նույնպես հայտնվել են կրկնակի գնանշումներ:
ՌԴ-ին Ղրիմի միանալու օրենքի համաձայն՝ այս հանրապետության և Սևաստոպոլ քաղաքի տարածքում դրամական միավոր Է դառնում ռուսական ռուբլին: Մինչև 2016 թվականի հունվարի 1-ը թույլատրվում Է Ուկրաինայի ազգային դրամական միավորի՝ գրիվնայի շրջանառությունը, որով հաշվարկները կարելի կլինի կատարել կանխիկ և անկանխիկ ձևերով: Այդ ժամկետից հետո ռուբլին տարածաշրջանում կդառնա միակ օրինական արժույթը:
Հիշեցնենք, որ ՌԴ-ի նախագահ Վլադիմիր Պուտինը, Ղրիմի կառավարության ղեկավար Սերգեյ Ակսենովը, Ղրիմի խորհրդարանի խոսնակ Վլադիմիր Կոնստանտինովը և Սևաստոպոլի քաղաքագլուխ Ալեքսեյ Չալինը մարտի 18-ին ստորագրեցին համաձայնագիր, որով Ղրիմը և Սևաստոպոլը, որպես նոր սուբյեկտներ, մտնում են ՌԴ-ի կազմի մեջ:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
