Վաշինգտոնը մտահոգություն է հայտնել Սաակաշվիլիին հարցաքննության կանչելու կապակցությամբ

Վաշինգտոնը մտահոգություն է հայտնել Վրաստանի նախկին նախագահ Միխեիլ Սաակաշվիլիին մի քանի գործով հարցաքննության կանչելու կապակցությամբ: Այս մասին հայտնում է "Интерфакс"-ը:

Ինչպես ասված է ԱՄՆ-ի պետդեպարտամենտի մարտի 24-ին տարածված հայտարարության մեջ, «ոչ ոք չի կարող օրենքից բարձր լինել, սակայն նախկին նախագահի դեմ միանգամից մի քանի գործ հարուցելը մեծացնում է հնարավոր քաղաքական հալածանքի կապակցությամբ օրինական մտահոգությունը հատկապես այն ժամանակ, երբ արդարադատության և իրավական համակարգը դեռևս փխրուն է»:

Պետդեպարտամենտի տվյալներով՝ Միացյալ Նահանգներ Վրաստանի վարչապետ Իրակլի Ղարիբաշվիլիի այցի ընթացքում ամերիկյան կողմն ընդգծել է երկրի առաջնորդների եռանդը հանրապետության ապագայի վրա կենտրոնացնելու անհրաժեշտությունը: «Նշվել է երկրի էներգիան տնտեսությունն ուժեղացնելու, իրավական բարեփոխումները շարունակելու, ՆԱՏՕ-ին ինտեգրացվելու ճանապարհին արագ առաջընթացի հասնելու վրա կենտրոնացնելու անհրաժեշտությունը»,-ասել են գերատեսչությունում:

Հիշեցնենք, որ Վրաստանի նախկին նախագահին դատախազություն են կանչել մարտի 27-ին տասը տարբեր գործերով որպես վկա ցուցմունք տալու նպատակով: ԱՄՆ-ում գտնվող Սաակաշվիլին արդեն հայտարարել է, որ հարցաքննության չի ներկայանում: Մինչեռ պաշտոնական Թբիլիսին սպառնացել է, որ հարցաքննության չներկայանալու դեպքում Սաակաշվիլիի հետախուզում կհայտարարվի: