Ուկրաինայի ԱԱՊԽ-ն պաշտպանության նախարարությանը հաձնարարել է զորքերը դուրս բերել Ղրիմից

Ուկրաինայի Ազգային անվտանգության և պաշտպանության խորհուրդը (ԱԱՊԽ) հանրապետության պաշտպանության նախարարությանը հաձնարարել է Ուկրաինայի ԶՈւ-ի զինծառայողներին Ղրիմից տեղափոխել այլ տարածաշրջաններ: Այդ մասին խորհրդարանի համաձայնեցման խորհրդի նիստում հայտարարել է նախագահի պաշտոնակատար, Գերագույն ռադայի խոսնակ Ալեքսանդր Տուրչինովը:

«ԱԱՊԽ-ն պաշտպանության նախարարությանը հանձնարարել է անցկացնել Ղրիմում գտնվող զորամասերի վերատեղաբաշխում»,-ասել է Տուրչինովը:

Ավելի վաղ Ուկրաինայի պաշտպանության նախարարությունը հաղորդել է, որ ռուս զինվորականները լույս մարտի 24-ի գիշերը Ղրիմում գրավել են Թեոդոսիայի ռազմակայանը: Ինչպես Facebook-ում գրել է Ղրիմում Ուկրաինայի պաշտպանության նախարարության Մեդիակենտրոնի ղեկավար Վլադիմիր Սելեզնյովը, ժամը 4:30-ին գումարտակի գլխավերևում սկսել են պտտվել ՄԻ-24 և ՄԻ-8 ուղղաթիռներ, մոտեցել են զրահապատ փոխադրամեքենաներ, ինչպես նաև լսվել են կրակոցներ. սկսվել է զորամասի գրոհումը: Առավոտյան ժամը վեցի մոտ ուղղաթիռներից իջել է դեսանտ և 20 ռուս զինվորների հետ շրջապատել օբյեկտը: Դեպի զորամաս տանող ճանապարհը փակել են երկու զրահապատ փոխադրամեքենաներ: Օգտագործվել են լուսաաղմկարար նռնակներ: