Ռուսաստանի նկատմամբ տնտեսական պատժամիջոցներ կիրառել պետք չէ. Մերկել

Գերմանիայի կանցլեր Անգելա Մերկելը Հարավային Կորեայի նախագահ Պակ Կին Հեի հետ հանդիպումից հետո հայտնել է, որ Ուկրաինայում ստեղծված իրավիճակի քաղաքակիրթ լուծումը պետք է գտնել առանց Ռուսաստանի նկատմամբ տնտեսական պատժամիջոցներ կիրառելու: Այս մասին հայտնում է itar-tass-ը:

«Ես կողմ և շահագրգռված չեմ լարվածության սրմամբ, ես աշխատում եմ իրավիճակը հարթեցնելու և կայունացնելու ուղղությամբ: Կարծում եմ, որ Ռուսաստանի նկատմամբ տնտեսական պատժամիջոցներ կիրառել պետք չէ, և ես հուսով եմ, որ դրանից հնարավոր կլինի խուսափել»,- ասել է նա: 

Գերմանացի փորձագետները համակարծիք են, որ Ռուսաստանի դեմ տնտեսական պատժամիջոցները բացասական ազդեցություն կունենան Գերմանիայի տնտեսության վրա: ԳՖՀ-ի և ՌԴ-ի միջև առևտրի շրջանառությունն անցյալ տարի կազմել է 76 մլրդ եվրո, ռուսական ձեռնարկությունների հետ բիզնես են վարում շուրջ 6 հազար գերմանական ֆիրմաներ, իսկ նրանց ներդրումների ընդհանուր ծավալը կազմում է 20 մլրդ եվրո:

Հիշեցնենք, որ Ռուսաստանի ԱԳՆ-ն ավելի վաղ հայտարարել էր, որ Մոսկվայի հետ պատժամիջոցների լեզվով խոսելը ոչ ճիշտ և անարդյունավետ է, քանի որ հնարավոր պատժամիջոցների վնասը կլինի փոխադարձ: