Արժույթի միջազգային հիմնադրամն Ուկրաինայի հետ համաձայնագիր է կնքել` 27 մլրդ դոլար տրամադրելու մասին

Ինչպես հայտնում է «Ինտերֆաքսը», արժույթի միջազգային հիմնադրամը Ուկրաինայի իշխանությունների հետ պայմանավորվածություն է ձեռք բերել 14-18 մլրդ դոլարի չափով երկամյա վարկ ձևակերպելու շուրջ: Այդ մասին հաղորդվում է հիմնադրամի մամուլի տեղեկագրում:

Ընդհանուր առմամբ, միջազգային հանրությունն Ուկրաինային 27 մլրդ դոլար գումար կտրամադրի հաջորդ երկու տարվա ընթացքում, ասված է հաղորդագրության մեջ:

Ձեռք բերված պայմանավորվածություններին պետք է հավանություն տան ԱՄՀ-ի ղեկավար մարմինները: ԱՄՀ-ի գործադիր կոմիտեն այդ հարցի վերաբերյալ որոշում կընդունի ապրիլին: