Ահա թե ինչեր են կանայք «գողացել» տղամարդկանց պահարաններից

Այսօր կանացի պահարանը լի է այնպիսի իրերով, որոնք տղամարդիկ էլ են կրում, սակայն կան շատ իրեր, որոնք կանայք «գողացել են» տղամարդկանցից և այլևս չեն վերադարձրել:

Սարաֆան

Այս զգեստը կանայք «գողացել են» տղամարդկանցից` XVII դարում և ըստ երևույթին վերջնականապես: Իսկ կար ժամանակ, երբ սարաֆանը նկարագրվում էր հետևյալ կերպ. տղամարդու երկար վերարկու` առանց թևերի: Այսպես էր հագնվում, օրինակ, Իվան Գրոզնին: Իսկ կայսրը կրում էր զգեստ՝ ծիրանագույն ճոխ սարաֆան, բալագույն զարդարանքով:

Բարձրակրունկներ 

Այսօր որքան բարձր կոշիկներ են հագնում կանայք, այնքան ավելի գեղեցիկ, սեքսուալ և ինքնավստահ են երևում: Քչերի մտքով կանցներ, որ այս ինքնավստահություն հաղորդող դետալները վերցված են, որքան էլ զարմանալի է, տղամարդկանցից: Հին ժամանակներում տղամարդիկ իրենց առնականությունն ու հաղթանդամությունն ընդգծելու համար հանգնում էին բարձրակրունկ ճտքավոր կոշիկներ, իսկ կանանց բարձրակրունկ կոշիկներ երկար ժամանակ չէր թույլատրվում կրել, քանի որ դա դիտվել է` որպես իրենց տղամարդուց բարձր դասելու թաքուն ցանկություն:

Զարդարող գոտի

Ադամանդներով կաշվե գոտի, ոսկյա շղթաներով և նմանատիպ այլ զարդարանքներ կրելու համար` Հին Ռուսաստանում թանկ կվճարվեր: Կանայք կարող էին կրել միայն հյուսված բրդե գոտիներ: Եթե տղամարդը բարձրաստիճան խավի ներկայացուցիչ էր, ապա նա կրում էր կաշվե հաստ գոտի` բրոնզե և արծաթե նշագծերով:

Լասինա

Լասինա. այն 13-րդ դարում հագնում էին տղամարդիկ: Միայն հետագայում այն վերածվեց կանացի հագուստի բաղկացուցիչ մասի: Հենց այս ժամանակահատվածում է ստեղծվել և տարածվել գերմանական հայտնի թևավոր խոսքը. «Ով կրում է տաբատ` նա ունի նաև իշխանություն»:

Զուգագուլպաներ

Սա արդեն մեզ հունական և հռոմեական ասպետներից եկած մեծ նվեր է: Տղամարդկայնի արժանապատվությունը ու կարգավիճակն ընդգծելու համար գուլպաները լավագույն միջոցն էին, որ կարող էր լինել: Գուլպան տղամարդիկ կրեցին մինչև 18-րդ դարի վերջը, որից հետո սրանք կրելու մենաշնորհն ստացան կանայք:

Ժանյակ

Բարի և հին ժամանակներում, տղամարդկանց մոտ ժանյակն ամենուր էր՝ օձիքին, գրպաններին, կոշիկներին: Ժանյակ. այն կրում էին և′ կանայք, և′ տղամարդիկ, բայց տղամարդկանց զգեստներում այն գերակշռում էր:

Կեղծամ

Շատ հին ժամանակներում կեղծամներ կրում էին միայն տղամարդիկ: Հիմնականում կեղծամ կրում էին ազնվական տղամարդիկ, քանի որ կար տարածված կարծիք, որ կեղծամը տղամարդուն տալիս է ավելի պատկառելի տեսք: Այն մեծ գլխի պատրանք է ստեղծում` նմանեցնելով առյուծի գլխի:

Աչքերի համար նախատեսված ստվերաներկ

Աչքերի համար նախատեսված ստվերաներկ սկսել են օգտագործել Արաբական թերակղզում բնակվող տղամարդիկ, այն օգնում էր ճանապարհորդներին ստվերաներկի միջոցով պայքարել արևի ճառագայթների դեմ և հաղթահարել ավազաքամիների հարձակումները: Շատ տարիներ հետո ստվերաներկերն սկսեցին` որպես գրավչության միջոց օգտագործել կանայք: