Չինաստանի ընկերություններն սկսել են վճարումներ կատարել կորած Boeing-ի ուղևորների հարազատներին

Չինաստանի ապահովագրական ընկերություններն սկսել են վճարումներ փոխանցել կորած Boeing 777-200-ի ուղևորների հարազատներին: Այս մասին հայտնում է Սինհուա գործակալությանը:

Ըստ գործակալության տվյալների՝ դրամական միջոցների փոխանցումն սկսվել է այն բանից հետո, երբ Մալայզիայի վարչապետ Նաջիբ Ռազաքը հայտարարել է, որ մարտի 7-ին Քուալա-Լումպուր Պեկին երթուղով մեկնած ինքնաթիռն ամենայն հավանականությամբ կործանվել է:

Այսօրվա դրությամբ Չինաստանի China Life խոշորագույն ապահովագրական ընկերությունն արդեն ավելի քան 4 միլիոն յուան (666 հազար ամերիկյան դոլար) է փոխանցել այն 32 սպասարկյալներից յոթի հարազատներին, ովքեր գտնվել են ինքնաթիռում: Ընդհանուր առմամբ ընկերության ապահովագրական վճարումները կկազմեն 9 միլիոն յուան (1,46 միլիոն դոլար):

Մարտի 26-ին China Pacific Insurance Co ընկերությունը, որը գրանցված է Շանհայում, կատարել է 525 հազար յուանի (87,5 հազար դոլարի) չափով առաջին վճարումը: Ինն ուղևորների՝ China Life Insurance Co ընկերության սպասարկյալների հարազատները կստանան մինչև 1 միլիոն յուան (166 հազար դոլար) ապահովագրական վճար:

Մալայզիայի ավիաընկերությանը պատկանող Boeing-ում եղել են 227 ուղևոր և անձնակազմի 12 անդամ: Նրանցից 153-ը Չինաստանի քաղաքացիներ են: Ինքնաթիռի հետ կապն ընդհատվել է Մալայզիայի մայրաքաղաքից թռիչքից երկու ժամ անց: