Պուտինն ու Օբաման հեռախոսազրույց են ունեցել

Ինչպես հայտնում է ria.ru-ն, ԱՄՆ նախագահ Բարաք Օբաման իր ռուս գործընկեր Վլադիմիր Պուտինի հետ հեռախոսազրույցի ընթացքում հայտնել է, որ Վաշինգտոնն Ուկրաինայի հարցի խաղաղ կարգավորման կողմնակիցն է: Այս մասին հայտարարել է Սպիտակ տունը:

Նախագահները քննարկել են միջազգային հանրության ձեռնարկվող հնարավոր քայլերը՝ կայունացնելու համար Ուկրաինայում տիրող իրավիճակը և համաձայնության գալ, որ մոտ ժամանակներս ԱՄՆ-ՌԴ համագործակցությունը կքննարկվի Ռուսաստանի և Միացյալ Նահանգների ԱԳ նախարարների կողմից:

«Հեռախոսազրույցի ընթացքում Պուտինը ցանկացել է իր ամերիկացի գործընկերոջ հետ քննարկել ԱՄՆ-ի պետքարտուղար Ջոն Քերիի առաջարկվող ծրագրերը, որոնք Հաագայում հանձնվել էին ՌԴ արտգործնախարար Սերգեյ Լավրովին: Օբաման առաջարկել է, որպեսզի ՌԴ-ն գրավոր հստակ պատասխան-դիմում ներկայացնի»,-ասվում է Սպիտակ տան հաղորդագրության մեջ:

«ԱՄՆ-ի նախագահ Օբաման հայտնել է նաև, որ Ուկրաինայի կառավարությունը շարունակում է ցուցաբերել զուսպ մոտեցում, որի նպատակն է ճգնաժամի սրման չեզքոցացում և սահմանադրական բարեփոխումների ու ժողովրդավարական ընտրությունների խթանում: Նա կոչ է արել Ռուսաստանին աջակցել այս գործընթացին և խուսափել սադրանքներից»,-ասված է հայտարարության մեջ:

Ռուսաստանի արտաքին գործերի նախարարությունը ավելի վաղ հայտնել էր, որ միջազգային տեսչությունները Ուկրաինայի, Լավտիայի, Շվեյցարիայի, Ֆինլանդիայի, Էստոնիայի, Բելգիայի և Ֆրանսիայի ներկայկացուցիչների մասնակցությամբ իրականացված ուսումնասիրության ընթացքում Ռուսաստանի եվրոպական հատվածում մարտին չեն արձանագրել որևէ ռազմական գործողություներ: ՌԴ պաշտպանության նախարար Սերգեյ Շոյգուն հայտնել էր իր ամերիկացի գործընկերոջը' Չակ Հեյգելին, որ Մոսկվան չի պատրաստվում զինված ուժեր ուղարկել Ուկրաինա և խնդրել էր չշիկացնել իրավիճակը: