Ազգային եկեղեցական ժողովը նամակով Սիրիայի քրիստոնյաների անվտանգության մասին մտագոհություն է հայտնել Օբամային

Ամերիկայի հայկական համագումարը ողջունում է Ազգային եկեղեցական ժողովի նամակը ԱՄՆ նախագահ Բարաք Օբամային, որով հայ եկեղեցու բարձրագույն վարչական մարմինն իր մտագոհությունն է հայտնում Սիրիայի քրիստոնյա համայնքների անվտանգության վերաբերյալ: «Ամերիկայի հայկական համաժողովի և ամերիկահայ համայնքի անունից մենք ողջունում ենք Ազգային եկեղեցական ժողովի նամակը և գնահատում նրանց հավատարմությունը և նվիրվածությ ունը Սիրիայում տառապող հայ քրիստոնյաներին օգնելու հարցում»,-  նշել է Ամերիկայի հայկական համագումարի գործադիր տնօրեն Բրայան Արդունին:

Նամակն ԱՄՆ նախագահին ուղարկվել է նույն օրը, երբ համաժողովի անդամները ԱՄՆ Հայոց թեմի արքեպիսկոպոս Վիգեն Հայկազյանի հետ հանդիպել էին Պետդեպատրամենտի պաշտոնյաների հետ' քննարկելու Քեսաբի հայ համայնքի վիճակը: «Իրադրությունը, որ գրավել է մեր ուշադրությունը, հարձակումներն են Քեսաբի հայկական գյուղերի վրա: Թեև հարձակումը տեղի է ունեցել սիրիական հակամարտության ավելի լայն համատեքստում, այն զոհեր և ավերածություններ է պատճառել այնտեղի քրիստոնյա համայնքներին»,- ասվում է Ազգային եկեղեցական ժողովի նամակում, ուր նաև կոչ է արվում Օբամային, պաշտպանել անապահով քրիստոնեական համայնքները» և «վերականգնել Քեսաբի հայկական համայնքների կայունությունը»:

Թուրք-սիրիական սահմանի մերձակայքում և Լաթաքիայի հյուսիսում գտնվող հայկական հոծբնակչություն ունեցող Քեսաբ գյուղաքաղաքի վրա հարձակումը սկսվել է մարտի 21-ին, Թուրքիայիսահմանի ութ կետերից: Տեղեկություններ են հաղորդվել, որ հարձակումն իրականացրել են «Ջաբհա անՆուսրա» և «Ջեյշ ալ Իսլամ» խմբավորումները: Գյուղաքաղաքում բնակիչներ գրեթե չեն մնացել, նրանքտեղափոխվել են առավել ապահով վայրեր: Հայերի մեծամասնությունը ապաստան է գտել ԼաթաքիայիՍուրբ Աստվածածին եկեղեցու տարածքի մոտ գտնվող ազգային կառույցներում: