Թուրքիայի արևելյան շրջանների ՏԻՄ ընտրություններում հաղթել է քրդական կուսակցությունը

Թուրքիայում մարտի 30-ին անցկացված տեղական ինքնակառավարման մարմինների ընտրություններում արևելյան և հարավարևելյան նահանգներում հաղթանակ է տարել թուրքական խորհրդարանում 35 պատգամավորական աթոռներ զբաղեցնող միակ քրդական «Խաղաղություն և ժողովրդավարություն կուսակցությունը» (ԽԺԿ): Այս մասին հայտնում են թուրքական ԶԼՄ-ները:

Ընտրությունների դեռես ոչ պաշտոնական արդյունքներով ԽԺԿ-ը ՏԻՄ ընտրություններում ոչ միայն պահպանել է նախորդ արդյունքները, այլև իշխող «Արդարություն և զարգացում» կուսակցության (ԱԶԿ) ձեռքից խլել է արևելյան շրջաններում երեք մեծ քաղաքների' Դերսիմի, Բիթլիսի և Աղրըի քաղաքապետների պաշտոնները:

98 տոկոս քվեատուփերի տվյալներով' Թուրքիայում ՏԻՄ ընտրություններում 43,7 տոկոս արդյունքով առաջատար է ԱԶԿ-ը: Նրան հետևում են գլխավոր ընդդիմադիր Ժողովրդահանրապետական կուսակցությունը (25,7 տոկոս) և ԽԺԿ-ն (4,4 տոկոս):

ԽԺԿ ղեկավարման խորհրդի անդամները հայտարարել էին, որ ՏԻՄ ընտրություններում հաղթանակ տանելուց հետո հանդես են գալու Թուրքիայում քրդական ինքնավարություն հռչակելու նախաձեռնությամբ: