Մենք սգում ենք հայ ժողովրդի հետ միասին. Սերգեյ Բեզրուկովն ու Միխայիլ Գալուստյանը միացել են Քեսաբի պաշտպանության ակցիային

Հայտնի մարդիկ շարունակում են սոցիալական ցանցերում իրենց ցավն ու ափսոսանքն արտահայտել Քեսաբի ողբերգական դեպքերի վերաբերյալ: Ռուս դերասան, Ռուսաստանի Դաշնության ժողովրդական արտիստ Սերգեյ Բեզրուկովը թվիթերյան իր միկրոբլոգում ևս անդրադարձել է Քեսաբի դեպքերին: «40 օր էլ չի անցել Ուկրաինայի Մայդանի ողբերգությունից, իսկ աշխարհում կրկին վիշտ է... Ողբերգություն Քեսաբում...Մենք սգում ենք հայ ժողովրդի հետ միասին»,-գրել է դերասանը:

Հայազգի շոումեն, հումորիստ, դերասան, սցենարիստ և պրոդյուսեր Միխայիլ Գալուստյանը ևս միացել է #savekessab ակցիային: Նա իր թվիթերյան միկրոբլոգում հրապարակել է #savekessab գրառմամբ լուսանկար, ինչպես նաև ակտիվորեն տարածում է տարբեր գործիչների' Քիմ Քարդաշյանի, Սերգեյ Բեզրուկովի, Կոնստանտին Ռիկովի, Վլադիմիր Սոլովյովի և տարբեր լրատվական կայքերի գրառումները' Քեսաբի դեպքերի վերաբերյալ:

Թուրք-սիրիական սահմանի մերձակայքում և Լաթաքիայի հյուսիսում գտնվող Քեսաբ գյուղաքաղաքի վրա հարձակումն սկսվել է մարտի 21-ին Թուրքիայի սահմանի ութ կետերից: Տեղեկություններ են հաղորդվել, որ հարձակումն իրականացրել են «Ջաբհա ան Նուսրա» և «Ջեյշալ Իսլամ» խմբավորումները: Գյուղաքաղաքում գրեթե բնակիչներ չեն մնացել, նրանքտեղափոխվել են առավել ապահով վայրեր: Հայերի մեծամասնությունը ապաստան է գտելԼաթաքիայի Սուրբ Աստվածածին եկեղեցու տարածքի մոտ գտնվող ազգային կառույցներում: ՏեղիՀայկական շտապ օգնության մարմինը Սիրիայի Կարմիր մահիկի կազմակերպության հետբնակիչներին ապահովել է անհրաժեշտ պարագաներով և սննդով: Քեսաբում մնացած փոքրաթիվհայերի ճակատագրի վերաբերյալ հայտարարությունները հակասական են: Իրադարձությունների վրա աշխարհի ուշադրությունն է հրավիրել ՀՀ նախագահ Սերժ Սարգսյանը' Հաագայում' Միջուկային անվտանգության միջազգային գագաթնաժողովի ժամանակ ելույթ ունենալով մամուլիհամար: Հայ պատգամավորների խումբն էլ այցելել էր Սիրիա' տեղում ծանոթանալու մեր հայրենակիցների ճակատագրին: