Ավակովը հրամայել է արգելափակել «Աջ սեկտորը»

Ինչպես հայտնում է Украинская правда-ն, Ուկրաինայի ՆԳ նախարար Արսեն Ավակովը' Անկախության մայդանում տեղի ունեցած փոխհրաձգությունից հետո, «Աջ սեկտոր» կազմակերպությունն արգելափակելու որոշում է ընդունել: Այս մասին նա գրել է Facebook-ի իր էջում:

«Այո, ես հրամայել եմ արգելափակել հանցավոր խմբավորումը և կալանավորել մեղավորներին: Բոլոր ուժային ջոկատները մարտական պատրաստվածության են բերված»,- գրել է Ավակովը:

Նա հավելել է նաև, որ պատրաստ է անհրաժեշտության դեպքում հրաժարական տալ իր պաշտոնից, ինչպես նաև «հետագա պայքարից»: