«Աջ հատվածի» արմատականները Կիևի «Դնեպր» հյուրանոցից հեռացել են առանց զենքի

«Աջ հատված» արմատական շարժման ակտիվիստները հեռացել են Կիևի կենտրոնում գտնվող «Դնեպր» հյուրանոցից, ավտոբուսներով նրանց տարել են քաղաքից դուրս: Այդ մասին Facebook-ի իր էջում գրել է Արսեն Ավագովը, որի վրա Ուկրաինայի խորհրդարանը ժամանակավորապես դրել է Ներքին գործերի նախարարի պարտականությունների կատարումը:

Ավելի վաղ Ուկրանիայի ՆԳ նախարարությունը հաղորդել էր, որ միլիցիան շրջապատել է «Դնեպր» հյուրանոցը, քանի որ այնտեղ, ականատեսների վկայությամբ, եղել են մի քանի տասնյակ զինված մարդիկ: Ըստ զանգվածային լրատվամիջոցների տվյալների՝ հյուրանոցում է գտնվում «Աջ հատվածի» շտաբը:

«Աջ հատվածը» «Դնեպր» հյուրանոցից դուրս է եկել առանց զենքի: Նրանք նստել են ավտոբուսներ և Ուկրաինայի Անվտանգության ծառայության աշխատակիցներ հետ մեկնել քաղաքամերձ ճամբարներից մեկը: ՆԳ նախարարության փորձագետներն սկսել են դատարկված շենքի զննումը»,- գրել է Ավագովը:

Մայդանում անցած գիշեր վիրավորվել են ինքնապաշտպանության ուժերի երկու ներկայացուցիչներ և մեկ քաղաքացիական անձ: Վիրավորների թվում է Կիևի քաղաքային վարչակազմի ղեկավարի տեղակալ Բոգդան Դուբասը: Ըստ զանգվածային լրատվամիջոցների տվյալների՝ կրակողն «Աջ հատվածի» ակտիվիստ է, որը ցանկացել է Մայդան տանել ալկոհոլային խմիչքներով փաթեթ: Որոշ ժամանակ անց, հրաձգություն սարքած տղամարդը ձերբակալվել է: