Ուկրաինան ցանկանում է ՌԴ-ի հետ բանակցություններ վարել. Յացենյուկ
Աշխարհ
Ինչպես հայտնում է Interfax.ru-ն, Ուկրաինան կցանկանար Ռուսաստանի հետ բանակցություններ վարել հարաբերությունները վերականգնելու շուրջ: Այդ մասին հայտարարել է Ուկրաինայի վարչապետ Արսենի Յացենյուկը:
«Մենք կցանկանայինք բանակցություններ վարել ՌԴ-ի և Ուկրաինայի փոխհարաբերությունների շուրջ, և այն կարծիքին ենք, որ մեր արտաքին գործերի նախարարները պետք է հնարավորինս շուտ հանդիպեն»,-ասել է Յացենյուկը՝ ապրիլի 2-ին Կիևում ելույթ ունենալով ներդրումային խորհրդաժողովում:
Վարչապետը նշել է, որ Ուկրաինան երբեք չի ընդունի Ղրիմի միացումը Ռուսաստանին: Դրա հետ մեկտեղ, նրա խոսքով` «կան հարցեր, որոնք կողմերը պետք է քննարկեն, մասնավորապես, դրանք երկկողմ առևտրի ու էներգետիկայի հարցերն են»:
«Մենք պատրաստ ենք բանակցություններ վարել արտաքին գործերի նախարարների միջև, այսպես կոչված շփման խմբի հետ, որը ներկայացվել է դեռ երեք շաբաթ առաջ»,-ասել է Ուկրաինաի կառավարության ղեկավարը:
Դրա հետ մեկտեղ Յացենյուկն ընդգծել է, որ ՌԴ-ն պետք է ճանաչի Ուկրաինայի անկախությունը և այն փաստը, որը իր երկիրը ձգտում է դառնալ Եվրամիության անդամ:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
