«ՆԱՏՕ-ում ոչ ոք չի ցանկանում «սառը պատերազմի» ժամանակների վերադարձը». Ռասմուսեն
Աշխարհ
ՆԱՏՕ-ի գլխավոր քարտուղար Անդերս Ֆոգ Ռասմուսենը հայտարարել է, որ Հյուսիսատլանտյան դաշինքում ոչ ոք չի ցանկանում «սառը պատերազմի» ժամանակների վերադարձը: Այս մասին հայտնում է ria.ru-ն:
«ՆԱՏՕ-ում ոչ ոք չի ցանկանում «սառը պատերազմի» ժամանակների վերադարձը, բայց մենք տեսնում ենք՝ ինչպես է Կրեմլը փորձում հետ շրջել ժամանակը և Եվրոպան բաժանել ազդեցության նոր ոլորտների»,- գրում է Ռասմուսենը Daily Telegraph թերթի կայքում հրապարակված իր հոդվածում:
Դրա հետ մեկտեղ գլխավոր քարտուղարը նշել է, որ ՆԱՏՕ-ն հարկադրված էր հակազդել Ուկրաինայում Ռուսաստանի քաղաքականությանը: «Ատլանտիկայի երկու կողմում մեր դաշնակիցների շնորհիվ մենք ավելի քան կրկնապատկեցինք Բալթյան երկրների օդային տարածությունը պարեկող կործանիչների թվաքանակը: Մենք Լեհաստանի և Ռումինիայի երկինքը պարեկում ենք Awacs ինքնաթիռների օգնությամբ, դաշնակիցները մեծացրել են իրենց ներկայությունը Սև ծովում»,- նշել է Ռասմուսենը:
Գլխավոր քարտուղարը նաև հայտարարել է, որ դաշինքը պատրաստ է «ցանկացած ժամանակ պաշտպանել ՆԱՏՕ-ի գծով յուրաքանչյուր դաշնակցի»:
Ավելի վաղ ՆԱՏՕ-ին առընթեր Ռուսաստանի մշտական ներկայացուցիչ Ալեքսանդր Գրուշկոն կարծիք է հայտնել, որ ՆԱՏՕ-ում գերակշռության են հասնում նրանք, ովքեր ցանկանում են վերադարձնել «սառը պատերազմի» ժամանակները:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
