Ղրիմը և Ռուսաստանը խոստանում են աջակցել Դոնբասի իրենց համախոհներին

Ղրիմի Պետխորհրդի խոսնակ Վլադիմիր Կոնստանտինովը հավաստիացրել է, որ Սիմֆերոպոլը կաջակցի Ուկրաինայի Դոնբասի մարզին: Այս մասին տեղեկացնում է «Ինտերֆաքս» գործակալությանը:

«Անշուշտ, մենք կպաշտպանենք մեր եղբայրներին: Դաժանությունը, որով ճնշվում են բողոքի ակցիաները, ապօրինի են և անարդարացի»,-ասել է Կոնստանտինովը, պատասխանելով Ուկրաինայի Դոնեցկի մարզում ստեղծված իրադրության վերաբերյալ լրագրողներին հարցին:

Իր հերթին «Միասնական Ռուսաստան» համառուսաստանյան կուսակցության գլխավոր խորհրդի քարտուղար Սերգեյ Նևերովը հայտարարել է, որ Ռուսաստանը նույնպես պատրաստ է պաշտպանել Դոնբասի ընտրությունը:

«Ընտրությունը, որը կանեն Դոնբասի բնակիչները, դա նրանց ընտրությունն է: Եվ այն ընտրությունը, որը նրանց կառաջարկվի անել, կյանքի կոչվելու իրավունք ունի, և մենք այն կպաշտպանենք»,-ասել է նա:

Դոնեցկի ժողովրդական Հանրապետության Հանրապետական խորհուրդն ապրիլի 7-ին դիմել է ՌԴ նախագահ Վլադիմիր Պուտինին ժամանակավոր խաղաղապահ զորակազմ մտցնելու խնդրանքով: Պատգամավորները միաձայն պաշտպանել են Դոնեցկի ժողովրդական Հանրապետության Խորհրդի դիմումը:

Մինչ այդ Դոնեցկի մարզային պետական վարչակազմի շենքը գրաված մարդիկ ժողով են անցկացրել, որում քվեարկել են այսպես կոչված Դոնեցկի Ժողովրդական Հանրապետության ինքնիշխանության հռչակագրի օգտին: Հավաքվածները հայտարարել են, որ ընդունված հռչակագիրը հիմք կդառնա Դոնեցկի Ժողովրդական Հանրապետության ստեղծման համար:

«Դոնեցկի Ժողովրդական Հանրապետության ժողովրդի անունից կարող է հանդես գալ բացառապես հանրապետության Գերագույն խորհուրդը: Առավել կարևոր պետական հարցերը, որոնք կապված են հանրապետության զարգացման, մյուս պետությունների հետ փոխհարաբերությունների հետ, կդրվեն համաժողովրդական քննարկման կամ հանրաքվեի»,-ասված է փաստաթղթում: