Խարկովում անցկացվում է «հակաահաբեկչական գործողությունը», քաղաքի կենտրոնը շրջափակված է. Ուկրաինայի ՆԳՆ
Աշխարհ
Ինչպես հայտնում է ria.ru-ն, հատուկ գործողություններ են իրականացվում Խարկովում, քաղաքի կենտրոնն արգելափակված է: Այս մասին հայտնել է Ուկրաինայի ՆԳ նախարար Արսեն Ավակովը:
«Խարկով: Սկսվել է հակաահաբեկչական գործողությունը: Քաղաքի կենտրոնը և մետրոյի կայարաններն արգելափակված են: Մի անհանգստացեք: Կավարտենք՝ կբացենք: Խարկովի պետական կառավարման շենքը պաշտպանված է և ազատված է ցուցարարներից»,-գրել է Արսեն Ավակովը Facebook-յան իր էջում:
Նա նաև հայտնել է, որ հարավային և արևելյան մարզերը, որոնք երկրում տիրող իրավիճակի ապակայունացմանն ուղղված գործողության ռիսկի գոտում են հայտնվել, լրացուցիչ ամրապնդվել են Ուկրաինայի այլ մարզերի հատուկ ստորաբաժանումներով:
Հիշեցնենք, որ մի խումբ հասարակական գործիչներ «մարզի գրոմադայի» ժողով են անցկացրել մարզային վարչակազմի շենքում, որի ընթացքում հավաքվածներն անվստահություն են հայտնել Խարկովի մարզխորհրդի պատգամավորներին: Նրանց կողմից հրապարակվել է այն մարդկանց ցուցակը, ովքեր ստանձնել են մարզային խորհրդի պատգամավորների պարտավորությունները: Որոշում է ընդունվել ստեղծել անկախ պետություն, որը կկրի «Խարկովի Ժողովրդական Հանրապետություն» անվանումը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
