Հունաստանը մեկ օրով առանց նորությունների է մնացել լրագրողների գործադուլի պատճառով
Աշխարհ
Հույն լրագրողներն ապրիլի 8-ին համազգային գործադուլ են անցկացնում. այսօր առավոտյան ժամը վեցից մինչև ապրիլի 9-ի առավոտվա ժամը վեցը նորություններ չեն հաղորդվում հեռուստատեսությամբ և ռադիոյով, չեն աշխատում ցանցային հրատարակությունները, ապրիլի 9-ին լույս չեն տեսնի թերթերը: Հեռուստաալիքները նորությունների առավոտյան թողարկումների փոխարեն ցուցադրում են սերիալներ և վավերագրական ֆիլմեր:
«Լրագրողները մամուլի և զանգվածային լրատվամիջոցների բոլոր աշխատակիցների հետ միասին պահանջում են ստորագրել նոր կոլեկտիվ աշխատանքային պայմանագրեր և ապահովել պատշաճ աշխատապայմաններ, անհապաղ դադարեցնել արձակումներն ու կրճատումները և աշխատավարձի վճարման ուշացումները, չեղյալ հայտարարել վարկատուների պահանջով ընդունված օրենքները, որոնք պակասեցնում են աշխատավարձերն ու կենսաթոշակները»,- հաղորդել է լրագրողների առաջատար արհմիությունը՝ Աթենքի թերթերի խմբագիրների միությունը:
Գործադուլ անցկացնելու որոշումը պաշտպանել են զանգվածային լրատվամիջոցների բոլոր արհմիությունները: Լրագրողների խոսքով՝ իրենք «ո՛չ» են ասում իրենց ժամանակակից ստրուկների վերածելուն, Հունաստանը «հատուկ տնտեսական գոտի» դարձնելուն, մարդկանց արժանապատվությունը ստորացնելուն:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
