Ուկրաինայի ՆԳՆ-ն 48 ժամվա ընթացքում կլուծի Ուկրաինայի արևելյան շրջաններում տիրող լարված իրավիճակի հարցը

Ուկրաինայի արևելյան շրջանների ցուցարարները՝ Դոնեցկում, Խարկովում և Լուգանսկում, նախկին նախագահ Վիկտոր Յանուկովիչին իշխանությունից հեռացնելուց հետո չեն ճանաչում նոր իշխանությունների լեգիտիմությունը՝ պահանջելով հանրաքվե իրականացնել իրենց շրջանների կարգավիճակի վերաբերյալ:

Ուկրաինային ՆԳ նախարար Արսեն Ավակովը հայտնել է, որ 48 ժամվա ընթացքում ՆԳՆ-ն կարող է լուծել Ուկրաինայի արևելյան շրջաններում անցկացվող ցույցերն ու անկարգությունները կամ կամ բանակցությունների, կամ ուժի միջոցով:

«Ես կարծում եմ, որ ճգնաժամի լուծումը կգտնվի առաջիկա 48 ժամվա ընթացքում: Ցանկացած ժամանակ կարող ենք անել այն ամենը, ինչը նախատեսել ենք: Կան երկու հնարավոր տարբերակ՝ բանակցային գործընթացի զարգացում կամ ուժի միջամտություն»,-ասել է Ավակովը:

Ինչպես արդեն հաղորդել է Ուկրաինայի անվտանգության ծառայության կայքը, Լուգանսկում բանակցությունների արդյունքում ապրիլի լույս 9-ի գիշերը 50-ից ավելի մարդ է դուրս եկել ավելի վաղ գրավված Անվտանգության ծառայության շենքից: Ընդ որում նրանցից ոչ մեկը մարմնական վնասվածքներ չի ստացել:

Շենքն արգելափակած մարդիկ հնարավորություն են տվել այնտեղ մտնելու Ուկրաինայի ժողովրդական պատգամավորներին, որոնք ավելի ուշ անարգել հեռացել են շենքից: Բանակցությունները շարունակվում են: