Բազելում կքննարկենք նոյեմբերի 12-ի միջադեպը. Ջեյմս Ուորլիք
Արտաքին Քաղաքական
Բազելում նոյեմբերի 4-5-ին Հայաստանի և Ադրբեջանի ԱԳՆ ղեկավարների հետ Մինսկի խմբի համանախագահների հանդիպման ժամանակ կքննարկվեն նոյեմբերի 12-ի միջադեպը և ապագայում նման բանի անթույլատրելիության համար քայլերը: Ինչպես հաղորդում է «Արմենպրես»-ը, այս մասին APA-ին տված հարցազրույցում հայտարարել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:
Նա ասել է, որ կողմերը կքննարկեն 2015 թվականին Հայաստանի և Ադրբեջանի նախագահների հանդիպում կազմակերպելու հարցը:
«Բազելում մենք կքննարկենք նաև նոյեմբերի 12-ի միջադեպը և այն քայլերը, որոնք պետք է նախաձեռնվեն նման բան չկրկնվելու համար», -նշել է նա:
Ղարաբաղա-ադրբեջանական սահմանի արևելյան հատվածի օդային տարածքում նոյեմբերի 12-ին' ժամը 13:45-ի սահմաններում, ուսումնավարժական թռիչքի ժամանակ ադրբեջանական ԶՈւ-ի կողմից հրադադարի ռեժիմի խախտման արդյունքում խոցվել է ԼՂՀ ՌՕՈւ ՄԻ-24 ուղղաթիռը: ԼՂՀ նախագահի մամուլի խոսնակ Դավիթ Բաբայանը հայտնել է, որ հայկական ուղղաթիռը ռազմական գործողությունների համար չի եղել, ուղղաթիռում չի եղել զինամթերք և ադրբեջանական օդուժն այն խոցել է թիկունքից: Ադրբեջանի ԶՈւ կողմի սադրիչ այդ միջադեպը դատապարտել են ՀՀ ԱԳՆ-ը, ԱՄՆ պետքարտուղարությունը, ԵԱՀԿ Մինսկի խմբի համանախագահները, ՀԱՊԿ-ը:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
