Նաիրա Զոհրաբյանը, անձնական շահն ու Գոհար Ենոքյանի ձերբակալությունը

Արամ Հակոբյանն իր ֆեյսբուքյան էջում գրում է.

«Նաիրա Զոհրաբյանը, անձնական շահն ու Գոհար Ենոքյանի ձերբակալությունը

Գոհար Ենոքյանի ձերբակալության ու դրա դրդապատճառների մասին հանրությունը տեղեկացված է, ավելին՝ Ենոքյանի մեղքն ապացուցում են հենց իր հարազատները, ովքեր նրա դեմ ցուցմունք տալուց զատ ներկայացրել են ապացույցներ՝ ձայնագրությունների տեսքով, որ տիկինը մտադրված է եղել պատվիրել այն անձի սպանությունը, ով իրեն օգնել է պատկառելի՝ 5-6 միլիոն դոլար գումարով՝ սեփական բիզնեսը զարգացնելու համար:

Այս հանգամանքների ի հայտ գալուց հետո կարծես թե հանրության մեջ որևէ կասկած չմնաց, որ Ենոքյանը ձերբակալվել է ծանր հանցանքի կասկածանքով: Ինչ կապ ունի տիկնոջ տարիքը, եթե նա ծրագրել է մարդուն զրկել կյանքից: Ու այս ամբողջ ընթացքում շատ տարօրինակ էր ԱԺ ԲՀԿ խմբակցության ղեկավար Նաիրա Զոհրաբյանի պահվածքը, ով Ենոքյանին ազատ արձակելու համար անգամ ԱԺ-ում ստորագրություններ էր հավաքում: Ինչը կարող է դրդել խորհրդարանական ուժի ղեկավարին՝ հովանավորել ծանր հանցագործության մեջ կասկածվող կնոջը: Արդյո՞ք պատգամավոր տիկինն իրավունք ունի խաթարելու արդարադատությունը, մի բան, որի հաստատման համար իբր պայքարում է:

Ենթադրում եմ, որ Նաիրա Զոհրաբյանին նման քայլերի դրդում է անձնական շահը, ինչը խորհրդարանական ֆրակցիայի ղեկավարին անհարիր պահվածք է»: