Ծնվել է Քիրա Նայթլիի առաջնեկը. E!News

Բրիտանացի դերասանուհի Քիրա Նայթլին և նրա ամուսինը՝ Klaxons խմբի երաժիշտ Ջեյմս Ռայթոնը, ծնող են դարձել, տեղեկացնում է «Արմենպրես»-ը՝ հղում անելով E!News հրատարակությանը:

Երեխայի սեռը, ինչպես նաև նրա անունն ու ծննդյան ամսաթիվը դեռևս հայտնի չեն:

Այն, որ 30-ամյա Քիրա Նայթլիին սպասում էր իր առաջնեկին, հայտնի էր դարձել անցյալ տարվա դեկտեմբերին: Դերասանուհին հազվադեպ էր խոսում իր հղիության մասին, սակայն հղի վիճակում ներկա է եղել մի քանի բարձրաշխարհիկ միջոցառումների, գրում է People հանդեսը:

Քիրա Նայթլին և Ջեյմս Ռայթոնը ամուսնացել են 2013 թվականի մայիսին: