«Ժամանակ». Աբովյան քաղաքը օժիտ չէ. թեկնածուն Սերժ Սարգսյանից օգնություն է խնդրում

«Աբովյանի քաղաքապետի թեկնածու, նախկին քաղաքապետ Կարո Իսրայելյանը Սերժ Սարգսյանից խնդրում է հանձնարարականներ տալ իրավապահներին՝ ապահովելու իր անվտանգությունը մինչեւ ընտրությունների ավարտը»,- գրում է «Ժամանակ» թերթը:

Նա չի բացառում հնարավոր ոտնձգությունները նախընտրական քարոզարշավի ընթացքում՝ հաշվի առնելով մրցակիցներից մեկի թիմի կողմից արմատավորված եւ Աբովյան քաղաքում առկա նախընտրական մթնոլորտը: Իսրայելյանը թերթի հետ զրույցում կոչ արեց աբովյանցիներին քվեարկել հանուն իրենց արժանապատվության՝ չվախենալով սափրագլուխներից, «անուշիկներից, յաշաներից ու բոռշ սարքող գեղամիկներից», ապա հավելեց. «Աբովյան քաղաքը օժիտ չէ, աբովյանցիներն էլ ստրուկ չեն»: