Լրացել է Անջելինա Ջոլիի 40-ամյակը

Հայտնի հոլիվուդյան դերասանուհի Անջելինա Ջոլին նշում է իր 40-ամյա հոբելյանը: 14 տարեկանում նա սկսել է աշխատել որպես մոդել: Նա նաև նկարահանվել է մի քանի երաժշտական տեսահոլովակներում: Անջելինա Ջոլիի դեբյուտը ֆիլմում կայացել է 1993 թ.:

Ինչպես տեղեկացնում է «Վեստի FM» ռադիոկայանը, աստղային տիտղոսը դերասանուհին ստացել է 1999 թ., ԱՄՆ-ի հեռուստաէկրաններում հայտնված «Ընդհատված կյանքը» ֆիլմի շնորհիվ, որի համար նա արժանացել է երրորդ «Ոսկե գլոբուսի» և «Օսկարի»:

Վերջին տարիներին Անջելինա Ջոլին նկարահանվել է «Կեղծ գայթակղություն», «Փոխարինում», «Սոլթ» և «Տուրիստ» ֆիլմերի գլխավոր դերերում: Նա նաև հանդես է գալիս որպես ռեժիսոր և պրոդյուսեր:

2014 թ. հոկտեմբերին Մեծ Բրիտանիայի Էլիզաբեթ II թագուհին պատվավոր տիկնոջ տիտղոս է շնորհել նրան՝ մարդասիրական գործունեության համար: Նախորդ տարվա օգոստոսին Անջելինա Ջոլին պաշտոնապես ամուսնացել է հայտնի հոլիվուդյան դերասան Բրեդ Փիթի հետ: Դերասանական զույգը դաստիարակում է վեց երեխայի, որոնցից երեքն իրենց կենսաբանական երեխաներն են, երեքը՝ որդեգրված: