Ջենիֆեր Լոուրենսը լուսանկար է ցուցադրել «Սոված խաղերի» վերջին մասի նկարահանումներից
Գիտություն և Մշակույթ
Հոլիվուդյան դերասանուհի Ջենիֆեր Լոուրենսը լուսանկար է ցուցադրել «Սոված խաղեր» եռերգության եզրափակիչ ժապավենի՝ «Ճայ-ծաղրասարյակ: Մաս 2» ֆիլմի նկարահանումներից: Նա լուսանկարը զետեղել է Facebook-ի իր էջում: Կինոնկարի ցուցադրությունը նախատեսված է 2015 թվականի նոյեմբերին, տեղեկացնում է «Արմենպրես»-ը:
Լուսանկարում պատկերված են Լոուրենսն ինքը, որը կատարում է Քիթնիս Էվերդինի դերը, և նրա զուգընկերը՝ Լիամ Հեմսվորտը, որն էկրանին մարմնավորել է Գեյլ Հոթոռնի կերպարը: Հետին պլանում երևում են ևս երկու դերասաններ՝ Սեմ Քլաֆլինը (Ֆինիկ Օդեյր) և Էվան Ռոսը (Մեսալա): Հերոսուհու հագին Ճայ-ծաղրասարյակի, որն, ըստ սյուժեի՝ խորհրդանշում է գործող իշխանության դեմ դիմադրության շարժումը, սև կոստյում է, նա ձեռքին աղեղ է բռնել:
Կինոպատումի վերջին ֆիլմը կցուցադրի գլխավոր անտագոնիստների՝ նախագահ Սնոուի և նրա դաշինակիցների դեմ ապստամբ հերոսների եզրափակիչ ճակատամարտը:
«Սոված խաղեր» կինոեռերգությունը հիմնված է ամերիկացի կին գրող Սյուզեն Քոլինզի համանուն գրքաշարի վրա, որը լույս է տեսել 2008 – 2010 թվականներին և դարձել միջազգային բեսթսելեր:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
