Ամերիկացի սանտեխնիկը 136 մլն դոլար է շահել վիճակախաղի տոմսով

Նյու-Յորքցի սանտեխնիկ Էնթոնի Փերոսին 136 մլն դոլար է շահել Powerball վիճակախաղով: Ինչպես հաղորդում է «Արմենպրես»-ը՝ հղում անելովThe New York Times թերթին, տղամարդը մի ամբողջ ամիս նույնիսկ չէր էլ ենթադրում, որ դրամական խոշոր գումարի տեր է դարձել:

Փերոսին իր տոմսը գնել էր մարտի սկզբին 7-Eleven մինիմարկետում, որը գտնվում է Սթեյթեն Այլենդի Փեյջ փողոցի վրա: Մարտի 14-ին նա խորտկարանում լսում է, որ շահել է այն քարտը, որը վաճառվել էր հենց այդ խանութում: Սակայն սրճարանի այցելուներից մեկը հայտարարում է, թե շահողը ոմն ուսուցչուհի է, և Փերոսին չի էլ ստուգում իր տոմսը:

Ապրիլի 27-ին սանտեխնիկն, այնուամենայնիվ, որոշում է իմանալ վիճակախաղի շահող թվերը, երբ նրան փող է անհրաժեշտ լինում բեռնատարի նորոգման համար: Համացանցում ստուգելով խաղարկման տվյալները, տղամարդը հայտնաբերում է, որ ինքն է շահել ջեքփոթը:

Փերոսին որոշել է իր շահումը կիսել որդու հետ և նրան է տվել գումարի 30 տոկոսը: Բոլոր հարկերը վճարելուց հետո Փերոսի Ավագն ստացել է 38 մլն 612 հազար 55 դոլար, նրա որդուն բաժին է հասել 16 մլն 548 հազար 23 դոլար:

Սանտեխնիկը պատմել է, որ պատրաստվում է փողերի մի մասը ծախսել նոր բեռնատարի վրա, ինչպես նաև ճամփորդության մեկնել Նյու Յորքի նահանգ: