Հինգ մեգահրատարակություններ վերահսկում են գիտական աշխարհի կեսը. գիտնականներ

Գիտական գրականության և պարբերական հրատարակությունների ընդգրկուն վերլուծությունը ցույց Է տվել, որ հինգ խոշորագույն հրատարակչական տներ՝ Elsevier-ը, Wiley-ը, Taylor & Francis-ը, Sage-ը և Springer-ն, այսօր վերահսկում են գիտական աշխարհի ավելի քան 50 տոկոսը: Այդ մասին, ինչպես տեղեկացնում Է «Արմենպրես»-ը, ասված Է PLoS One բաց գիտական հանդեսում հրապարակված հոդվածում:

«Այդ բոլոր առևտրային ընկերությունները վիթխարի վաճառքներ ունեն, և դրանց շահույթի նորման կազմում Է շուրջ 40 տոկոս: Ու թեև չի կարելի ժխտել, որ հրատարակիչները կարևոր դեր են խաղացել գիտական գիտելիքների տարածման գործում տպագիր մամուլի դարաշրջանում, չափազանց կասկածելի Է, որ մենք նման ծառայությունների և դրանց գների կարիքն ունենք թվային տեխնոլոգիաների դարում»,- հայտարարել Է Վինցենտ Լարիվիերը Մոնրեալի (Կանադա) համալսարանից:

Ինչպես պարզել են Լարիվիերը և նրա գործընկերները, գիտական մամուլում «մենաշնորհատեր»-հրատարակչական տների բաժինն սկսել Է սրընթաց աճել վերջերս: Տակավին 1976 թվականին «թոփ-5» հրատարակիչների բաժինը կազմում Էր հրատարակվող գիտական տեղեկատվության ընդհանուր ծավալի սոսկ 20 տոկոսը, և նույնիսկ 1996 թվականին այն մնում Էր 30 տոկոսի նշագծին:

Նման մենատիրության հաստատումը, Լարիվիերի և նրա գործընկերների կարծիքով՝ միանգամայն բացասական երևույթ Է, հաղորդել Է ՌԻԱ Նովոստին: