Հայաստանը բավականին բարդ մրցակից էր մեզ համար. Իլիդիո Վալե

Եվրոպայի առաջնության ընտրական մրցաշարի Հայաստան - Պորտուգալիա հանդիպման հետխաղյա ասուլիսում Պորտուգալիայի հավաքականի երկրորդ մարզիչ Իլիդիո Վալեն ասել է.

«Հայաստանի հավաքականին մենք շատ լավ ենք ճանաչում: Դա մի թիմ է, որն ունի բավական լավ խաղացողներ: Հայաստանի թիմի մի քանի ֆուտբոլիստների մակարդակը շատ բարձր է:

Պորտուգալիայի հավաքականը Հայաստանից միշտ սպասել է հարձակողական, այլ ոչ պաշտպանողական ֆուտբոլ: Շնորհակալ եմ մեր ֆուտբոլիստներին, որոնք այսօր ֆանտաստիկ ֆուտբոլ ցուցադրեցին»:

Պորտուգալացիների գլխավոր մարզիչ Ֆերնանդու Սանտուշը նույնպես ներկա էր ասուլիսին, սակայն նստել էր լրագրողների կողքին: