Փլուզում Գյումրիում. 10 բնակիչ տարհանվել է

Հունիսի 20-ին, ժամը 00.07-ին տեղեկություն է ստացվել, որ Շիրակի մարզի Գյումրի քաղաքի Գ. Նժդեհի փողոցի թիվ 7 հասցեում գտնվող թիվ 2 քիսաքանդ հանրակացարանում փլուզվել է պանելային հատվածը: Այս մասին ԼՈՒՐԵՐ.com-ը տեղեկանում է ՏԿԱԻՆ մամուլի ծառայությունից: 

Դեպքի վայր է մեկնել մեկ մարտական հաշվարկ և ՄՃԿԿ օպերատիվ խումբը:

Պարզվել է, որ մասնակի փլուզվել է շենքի տանիքը (մոտ 60 քմ) և կողային պատը (մոտ 100 քմ). տուժածներ չկան: Շենքն ունի 4-րդ կարգի վթարայնության աստիճան:

Հրշեջ-փրկարարները սահմանազատել են վտանգավոր հատվածը և տարհանել 10 բնակչի:

Նշված հատվածում ոստիկանության Կումայրու բաժնի աշխատակիցները սահմանել են հերթապահություն:

Դեպքի մասին տեղեկացվել է ՃԿԱԿ-ում ՀՀ քաղաքաշինության նախարարության պատասխանատուն: