ՄԱԿ-ի ԱԽ-ն բանաձև է ընդունել ռազմական հակամարտություններում կանանց պաշտպանության մասին
Աշխարհ
ՄԱԿ-ի Անվտանգության խորհուրդը հոկտեմբերի 13-ին բանաձև է ընդունել ռազմական հակամարտությունների պայմաններում կանանց պաշտպանության մասին, տեղեկացնում է «Արմենպրես»-ը:
2242 բանաձևը, որը Մեծ Բրիտանիայի և Իսպանիայի կողմից մշակվել է «Կանայք, խաղաղությունն ու անվտանգությունը» ծրագրի շրջանակներում և նախատեսված է առաջիկա 15 տարվա համար, 2000 թվականին ընդունված 1325 բանաձևի շարունակությունն է, որի նպատակը «կանանց պաշտպանությունն է հակամարտությունների պայմաններում և նրանց առավել կարևոր դեր տրամադրելը դրանց կանխման ևլուծման գործում»: Բանաձևն ընդունվել է միաձայն:
«Հաճախ հակամարտություններում կին լինելն ավելի վտանգավոր է, քան զինվոր լինելը: 2242 բանաձևով մենք նպատակ ենք դնում ուժեղացնել նրանց պաշտպանությունը»,- հայտարարել է Իսպանիայի վարչապետ Մարիանո Ռախոյը, որը նախագահում էր ՄԱԿ-ի Անվտանգության խորհրդի բաց նիստը:
«Սեռերի անհավասարությունն անարդարություն է, առաջընթացի արգելակ և խաղաղության ու անվտանգության սպառնալիք»,- հայտարարել է Ռախոյը, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
