Անկարայում ահաբեկչության զոհերի թիվը հասել է 99-ի

Անկարայում տեղի ունեցած ահաբեկչական հարձակման զոհերի թիվը հասել է 99-ի: Այս մասին հաղորդում է France Presse գործակալությունը` վկայակոչելով Թուրքիայի վարչապետ Ահմեդ Դավութօղլուին:

Նա հավելել է նաև, որ 94 մարդկանց մարմիններն արդեն հանձնվել են ընտանիքներին, ևս չորսը կհանձնեն հարազատներին մոտ օրերս:

Մինչդեռ, թուրքական իշխանություններն արգելել են տեղական լրատվամիջոցներին տեղի ունեցած ահաբեկչության վերաբերյալ որևէ տեղեկատվություն հրապարակել:

Հիշեցնենք, որ Անկարայում երկաթուղային կայարանի տարածքում հոկտեմբերի 10-ին երկու պայթյուն է որոտացել հակառազմական հանրահավաքի ժամանակ: