ԻՊ-ը ցանկացել է ահաբեկչություն իրականացնել Ռուսաստանի մզկիթներից մեկում

«Իսլամական պետություն» ահաբեկչկանա խմբավորումը փորձել է պայթյուն կազմակերպել Խանտի-Մանսիյսկի շրջանի Պիտ-Յախ քաղաքում, հայտնում է Газета.Ru-ն` հղում անելով ՌԴ քննչական կոմիտեին:

Ոմն Ռիզվան Աղաշիրինով և Աբդուլլա Մագոմեդալիև մեղադրվում են ՌԴ Քրեական օրենսգրքի 223-րդ հոդվածի (ապօրինի զենք պատրաստելը), 222-րդ հոդվածի 2-րդ, 3-րդ մասերով (զենքի ապօրինի շրջանառություն), ինչպես նաև ահաբեկչական գործողություն պատրաստելու և այլ հոդվածներով:

Աղաշիրինովին ու Մագոմեդալիևին ռուս իրավապահները ձերբակալել են: Վերջինս փորձել է թաքնվել` պատանդ վերցնելով մի ընտանիք` մանկահասակ երեխայով: Գործով այլ անձանց նկատմամբ հետախուզում է հայտարարվել: Նրանցից մեկը ձերբակալվել է Ուկրաինայում, սակայն նրան արտահանձնելու հարցը դեռ չի վճռվել:

«Քննության ընթացքում պարզ է դարձել, որ ահաբեկչական գործողություն իրականացնելու հանձնարարություն է տվել մի անձ, որն իսլամական ծայրահեղական հայացքներ ունի և իրավապահներից թաքնվում է Թուրքիայի տարածքում՞

Բացի այդ, համաձայն օպերատիվ տեղեկությունների, այդ հանցագործության կազմակերպիչն ու մեղադրյալները, որոնք թաքնվում են քննությունից, համարվում են «Իսլամական պետության» անդամներ»,- ասել են գերատեսչությունից: