ԱՄՆ-ում 24-րդ մահապատիժն է իրականացվել այս տարի
Աշխարհ
ԱՄՆ-ի Թեքսասի նահանգի իշխանությունները հոկտեմբերի 14-ին մահապատժի են ենթարկել հանցագործի, որը դատապարտված էր 2001 թվականին ոստիկանի սպանության համար: Դատավճիռն ի կատար է ածվել մահացու ներարկման միջոցով: Դա այս տարի 24-րդ մահապատիժն է ԱՄՆ-ում և 12-րդը Տեխասում, տեղեկացնում է «Արմենպրես»-ը:
33-ամյա Լիչո Էսկամիլյան բարձրագույն պատժաչափի էր դատապարտվել այն բանի համար, որ 2001 թվականի նոյեմբերին կռիվ էր սարքել գիշերային ակումբից դուրս գալիս և հրազեն կիրառել չորս ոստիկանների նկատմամբ, որոնք փորձում էին բաժանել կռվողներին:
Ընդհանուր առմամբ մահապատիժը թույլատրված է ԱՄՆ-ի 31 նահանգներում: Այս տարվա ապրիլի դրությամբ ԱՄՆ-ում մահապատժի կատարման էր սպասում 3002 մարդ: 1976 թվականից, երբ երկրում մահապատիժը վերստին սկսեց կիրառվել, մինչև 2015 թվականի սեպտեմբերն ընկած ժամանակաշրջանում ԱՄՆ-ում մահապատժի է ենթարկվել 1414 մարդ, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
