Պակիստանում տարվա ընթացքում ավելի քան 50 մլրդ դոլար գումարի թմրանյութեր են առգրավել

Պակիստանի թմրանյութերի դեմ պայքարի վարչությունը անցած ֆինանսական տարում, որն ընդգրկում Է 2014 թվականի հուլիսի 1-ից մինչեւ 2015 թվականի հունիսի 30-ն ընկած ժամանակահատվածը, 5,7 տրլն ռուփի (54 մլրդ դոլար) ընդհանուր գումարի 354,54 տոննա պատրաստուկներ Է առգրավել: 

Նաեւ բացահայտվել Է 42 խմբավորումների գործունեությունը եւ ձերբակալված Է 1,6 հազար մարդ, որոնք մասնակցել են թմրանյութերի վաճառքին:

«Առգրավված Է, մասնավորապես, 14 տոննա հերոին, 164 տոննա չարաս (հաշիշի տեսակ), 1,3 տոննա մորֆին, 54 տոննա ափիոն, 30 տոննա կոկաին, 1,8 տոննա ամֆետամին, 707 կիլոգրամ մարիխուանա,-հայտարարությունից իր կայքում մեջբերում Է արել Dawn թերթը:-Ընդամենն առգրավվել են 240 տոննա թմրանյութ եւ 105 տոննա այլ նյութեր, որոնք օգտագործվում են թմրամիջոցների եւ հոգեմետ նյութերի արտադրության մեջ», հաղորդել Է ՏԱՍՍ-ը: