ԵՄ-ն կրկին մտահոգություն է հայտնել Սիրիայում ՌԴ-ի գործողությունների առնչությամբ

Եվրամիության պետությունների ու կառավարությունների ղեկավարները մտահոգություն են հայտնել Սիրիայում ռուսական զորքերի գործողությունների առնչությամբ, գրում է Газета.Ru-ն:

«Եվրախորհուրդն իր մտահոգությունն է հայտնում Սիրիայի ընդդիմության և խաղաղ բնակչության վրա Ռուսաստանի հարձակումների վերաբերյալ, ինչպես նաև հետագա ռազմական սրման կապակցությամբ», - ասված է կոմյունիկեում:

ԵՄ-ում նշում են, որ երկրում բացառվում է խաղաղությունը Բաշար ալ-Ասադի ռեժիմի պայմաններում, որովհետև հակամարտության լուծում գտնելու համար բոլոր կողմերը ներկայացված չեն:

ԵՄ-ն կոչ է անում սիրիական հակամարտության մասնակիցներին համագործակցել՝ քաղաքական լուծման հասնելու համար:

Ավելի վաղ հաղորդվում էր, որ ԱՄՆ-ը մոտ ապագայում Սիրիայի հարցով Ռուսաստանի հետ բանակցությունների ավարտի հույս ունի: