Միխայիլ Գալուստյանը Top Film ընկերությունը սնանկ ճանաչելու հայց է ներկայացրել

Ֆիլմերի կինովարձույթի Top Film Distribution ընկերությունը սնանկության մասին հայց է ստացել դերասան Միխայիլ Գալուստյանի NG Production պրոդյուսերական ընկերությունից: Ընդհանուր առմամբ, Top Film-ի դեմ գրանցված է ըն դհանուր 73 միլիոն ռուբլի գումարի ութ հայց, ներառյալ՝ Գալուստյանի ընկերության հանդեպ պարտքի վերաբերյալ։

Այն մասին, որ դերասան Միխայիլ Գալուստյանին և պրոդյուսեր Արմեն Անանիկյանին հավասարապես պատկանող NG Production-ը պահանջում է սնանկ ճանաչել Top Film Distribution ընկերությանը, հայտնի է դառնում ՌԴ Արբիտրաժային դատարանի շտեմարանից։

Ըստ Gazeta.ru-ի' Top Film-ը հիմնադրվել է 2006 թվականին և ռուսական վարձույթ է թողարկել ավելի քան 300 ֆիլմ։ Ընկերության հիմնադիրն է Վլադիմիր Արտեմենկոն:

Հոկտեմբերի 11-ի դրությամբ' ընկերությունը եզրափակում է Ռուսաստանում 2015 թվականի շրջանառությամբ ամենախոշոր կինովարձույթ իրականացնողների տասնյակը։