ԱՄՆ-ն և Ռուսաստանը համաձայնեցրել են Սիրիայում թռիչքների կանոնակարգի տեխնիկական հարցերը

ԱՄՆ-ի և Ռուսաստանի պաշտպանական գերատեսչությունների միջև Սիրիայում թռիչքների անվտանգության մասին համաձայնագիր կարող է ստորագրվել առաջիկայում: Սիրիայում թռիչքներ իրականացնելու հետ կապված բոլոր տեխնիկական հարցերը համաձայնեցված են: Այս մասին հայտնել է ՌԴ գլխավոր հրամանատարության փոխղեկավար Անդրեյ Կարտապոլովը` փոխանցում է ՏԱՍՍ-ը:

Նրա խոսքով` այժմ ամերիկացի և ռուս իրավաբանները զբաղված են փաստաթղթի տեքստի մշակմամբ: Ակնկալվում է, որ այդ համաձայնագիրը թույլ կտա խուսափել Սիրիայի օդային տարածքում բախումներից կամ որևէ այլ միջադեպից: