Նիգերիայում մահապարտ ահաբեկչուհիների զոհ է դարձել 11 մարդ

Նիգերիայի հյուսիս-արևելքում ահաբեկչության հետևանքով զոհվել է 11 մարդ: Տեղական իրավապահ մարմինները հայտնել են, որ երկու կին մահապարտներ գործի են դրել պայթուցիկ սարքեր, հաղորդում է AFP-ն:

Ահաբեկչությունը տեղի է ունեցել Դար բնակավայրում: Նախկինում այդ տարածքն արդեն ենթարկվել է «Բոքո Հարամ» ծայրահեղական խմբավորման գրոհայինների հարձակմանը:

Հարկ է նշել, որ անցյալ շաբաթ մի շարք պայթյուններ են տեղի ունեցել Նիգերիայի Մայդուգուրի քաղաքում: