Բոգոտայում ինքնաթիռն է կործանվել

Կոլումբիայի մայրաքաղաք Բոգոտայում ինքնաթիռն ընկել է բնակելի թաղամասի վրա, ինչի հետևանքով զոհվել է հինգ մարդ, ևս յոթը վերքեր են ստացել, տեղեկացնում է «Արմենպրես»-ը՝ հղում անելով El Tiempo-ին:

Օդանավն աղետի է ենթարկվել մայրաքաղաքի Էլ Դորադո օդանավակայանից թռիչքից մի քանի րոպե անց: Այն ընկել է Վիլյա Լուսի շրջանում գտնվող հացի փռի վրա և հարվածել երեք բնակելի շենքերին: Հարվածից հրդեհ է սկսվել:

Պատահարի վայր են ժամանել հրշեջներ և շտապօգնության բրիգադներ: Բժիշկներն արձանագրել են հինգ մարդու՝ օդաչուի, ինքնաթիռի տիրոջ, ինչպես նաև տղամարդու, կնոջ և երեխայի մահը, որոնք գտնվում էին օդանավում: Ըստ «Ասոշիեյթեդ պրես»-տեղեկատվության, զոհվածների թվում կա մեկը, որը գտնվում էր հացի փռում:

Տուժածներն այրվածքներ են ստացել և տեղափոխվել են հիվանդանոց, նրանցից երկուսն օրհասական վիճակում են: