ԻԼԻՊ-ի գրոհայինների շարքերն է համալրել ռեժիսոր Սթիվեն Սփիլբերգի օգնականի որդին

Թուրքական իշխանությունները հայտնաբերել են գրոհայինների պատրաստման ճամբար: 50 ձերբակալվածից կեսից ավելին երեխաներ են: Այժմ Եվրոպայում որոշում են, թե ինչպես կանխել դեռահասների հավաքագրումը: Մեծ Բրիտանիայի վարչապետ Դևիդ Քեմերոնը պատրաստ է դիմել ծայրահեղ միջոցների՝ չեղյալ հայտարարել երեխաների անձնագրերը, որպեսզի նրանք չկարողանան լքել երկիրը. փոխանցում է ren.tv-ն:

Հայնտի է դարձել նաև այն, որ զինյալների շարքերն է համալրել ռեժիսոր Սթիվեն Սփիլբերգի օգնականի որդին: 26-ամյա Լուկասը նկարահանվել է երկու տեսահոլովակներում, որտեղ կոչ է անում միանալ «Իսլամական պետություն» ծայրահեղական կազմակերպությանը:

Դեռևս հայտնի չէ այն մասին, թե ինչն է դրդել նրան գնալ այդ քայլին: Լուկասն ավարտել է կաթոլիկ դպրոց և նույնիսկ պատրաստվում էր քահանա դառնալ: