Պեսկովը մեկնաբանել է ՌԴ կազմում Հարավային Օսիայի ընդգրկվելու վերաբերյալ հանրաքվեի հնարավոր անցկացումը
Աշխարհ
Ռուսաստանի Դաշնության նախագահի մամուլի խոսնակ Դմիտրի Պեսկովը մեկնաբանել է Հարավային Օսիայի նախագահ Լեոնիդ Տիբիլովի հայտարարությունը` Ռուսաստանի կազմի մեջ պետության մտնելու հարցի վերաբերյալ հանրաքվեի անցկացման անհրաժեշտության մասին, հաղորդում է ՏԱՍՍ-ը:
«Իրականում, եթե ես ճիշտ եմ հասկանում, նման հայտարարություն հենց հանդիպման ժամանակ (Տիբիլովի`Ռուսաստանի նախագահի օգնական Վլադիսլավ Սուրկովի հետ) չի արվել»,- պարզաբանել է Պեսկովը` ընդգծելով, որ, այնուամենայնիվ, «Հարավային Օսիայում շատ կան Ռուսաստանի հետ ինտեգրման աջակիցներ»:
Նրա խոսքով` Կրեմլում Հարավային Օսիան անվանում են «Ռուսաստանի Դաշնության կողմից ճանաչված անկախ պետություն»:
«Դա անկախ պետություն է, որը ճանաչվել է Ռուսաստանի Դաշնության կողմից, որի հետ մենք դիվանագիտական հարաբերություններ ունենք»,- նշել է Պեսկովը:
Ընդ որում` նա հրաժարվել է զարգացնել այդ թեման. «Ես ասացի այն, ինչ ասացի»:
Նախօրեին հայտնի էր դարձել, որ Հարավային Օսիայի Հանրապետության նախագահ Լեոնիդ Տիբիլովը մտադիր է հանրաքվե նախաձեռնել Ռուսաստանի կազմի մեջ պետության մտնելու հարցի վերաբերյալ:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
