Ասադին աջակցելն անթույլատրելի է. Օլանդ
Աշխարհ
Սիրիայի նախագահ Բաշար Ասադի աջակցությանն ուղղված ցանկացած քայլ անթույլատրելի է: Այսպիսի հայտարարությամբ հանդես է եկել Ֆրանսիայի նախագահ Ֆրանսուա Օլանդը. փոխանցում է ՏԱՍՍ-ը:
«Ոչինչ չպետք է արվի Բաշար Ասադին աջակցելու համար»,- հայտարարել է նա Փարիզում մամլո ասուլիսի ժամանակ:
Մեկնաբանելով Մոսկվայում Բաշար Ասադի և Ռուսաստանի նախագահ Վլադիմիր Պուտինի հանդիպումը՝ Օլանդն ասել է. «Ես կուզենայի հավատալ, որ նախագահ Պուտինը Բաշար Ասադին համոզել է հնարավորինս շուտ սկսել քաղաքական անցումն ու հնարավորինս արագ լքել իր պաշտոնը: Ենթադրում եմ՝ դա է եղել հանդիպման իմաստը»,- ասել է Օլանդը:
Նրա խոսքով՝ ռուսական գործողությունն իմաստ ունի միայն այն դեպքում, եթե այն ուղղված է «Իսլամական պետության» դեմ պայքարին և հնարավորություն է տալիս քաղաքական կարգավորման հասնել: «Եթե դրա նպատակը լինի Բաշար Ասադին (իշխանության գլխին) պահելը, սիրիական հարցը չի կարողանա կարգավորվել»,- ասել է Օլանդը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
