Վրաստանում ձերբակալվել է ԻՊ-ի հետ կապի մեջ կասկածվող չորս մարդ
Աշխարհ
Վրաստանի արևմուտքում ձերբակալվել է չորս քաղաքացի, որոնք կասկածվում են «Իսլամական պետություն» ահաբեկչական խմբավորման հետ կապի մեջ: Ինչպես տեղեկացնում է ՏԱՍՍ-ը, այս մասին հայտնել են տեղական հեռուստաընկերությունները' վկայակոչելով իրավապահ մարմիններին: Վրացական հեռուստաընկերությունների տվյալներով, ձերբակալվածների մոտ հայտնաբերվել են հրացաններ, նռնակների և ԻՊ-ի դրոշներ: Իրավապահ մարմինների կողմից այս տեղեկատվության պաշտոնական հաստատում չի եղել:
Նախօրեին Վրաստանի պետական անվտանգության ծառայության ղեկավար Լևան Իզորիան հայտարարել է, որ վերջին տվյալներով «Սիրիայում են գտնվում Վրաստանի մոտ 50 քաղաքացիներ»: «Մեր ծառայությունը տեղեկություններ ունի բոլոր այդ 50 քաղաքացիների և Սիրիայում նրանց ծավալած գործունեության մասին: Ավելին, բոլոր այն քաղաքացիների մասով, որոնց վերաբերյալ կան հստակ տեղեկություններ, օրենքի համաձայն հետաքննություն է իրականացվում»,-ասել է Իզորիան: Նա տեղեկացրել է, որ Սիրիայից վերադառնալու դեպքում այդ քաղաքացիները պատասխանատվության են ընթարկվելու օրենքի ողջ խստությամբ:
Փարիզում նոյեմբերի 13-ին տեղի ունեցած ահաբեկչություններից հետո Վրաստանի օդանավակայաններում և երկրի պետական սահմանների երկայնքով անվտանգության խիստ միջոցառումներ են իրականացվում:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
