Վրաստանը հայտարարել է իր օդային տարածքը Ռուսաստանի կողմից խախտելու մասին

Ռուսական ռազմական ուղղաթիռը խախտել է Վրաստանի օդային տարածքը, տեղեկացնում է «Ինտերֆաքսը»:

Այս մասին հաղորդել են Վրաստանի պաշտպանության նախարարությունից:

Գերատեսչությունը նշել է, որ «ռուսական ուղղաթիռը հատել է օկուպացիոն գիծը, և մի քանի րոպե անց հետ վերադարձել»: Ինչպես նշվում է, այդ մասին տեղեկատվությունը փոխանցվել է միջադեպերի կանխարգելման և դրանց արձագանքման հարցերով հանձնաժողովին:

Ռուսաստանի ռազմական գերատեսչությունից պաշտոնական մեկնաբանություններ դեռևս չեն հնչել: