Ամերիկացի ոստիկանը մեղավոր է ճանաչվել 13 աֆրոամերիկուհու բռնաբարության գործում

ԱՄՆ-ում 29-ամյա նախկին ոստիկան Դանիել Հոլցքլոուն մեղավոր է ճանաչվել 13 սևամորթ կանանց բռնաբարության մեջ: Ամբաստանյալը մեղավոր է ճանաչվել մեղադրանքի 18 և 36 կետերով: Ինչպես հաղորդում է AP-ն, կանանցից բոլորն աֆրոամերիկուհիներ են:

Նախկին ոստիկանին մինչև ցմահ ազատազրկում է սպառնում: Նրա զոհերն են դարձել այն կանայք, որոնք նախկինում խնդիրներ են ունեցել օրենքի հետ և ապրել Օքլահոմա Սիթի քաղաքի աղքատ թաղամասերում: Ոստիկանը վախեցրել է նրան և սպառնացել հետագա քրեական հետապնդմամբ:

Քաղաքի ոստիկանական բաժանմունքի ներկայացուցիչները ողջունել են դատարանի որոշումը: