Հայկական հատուկ բենզինը
Տնտեսություն
Նավթի գները համաշխարհային շուկայում շարունակում են ընկնել, և չնայած դրան՝ Հայաստանում բենզինի գինը շարունակում է մնալ բավականին բարձր:
ԼՈՒՐԵՐ.com-ը զրուցեց տնտեսագետ Վարդան Բոստանջյանի հետ՝ ճշտելու՝ որքանո՞վ են համարժեք Հայաստանում բենզինի ներկայիս գները նավթի գներին:
«Օրերս մի հիասքանչ բացատրություն լսեցի, ասում են՝ հայկական բենզինը հատուկ բենզին է՝ դրա մեջ ոնց որ թե նավթ չկա: Հետաքրքրությունից ուզում եմ ուսումնասիրություններ կատարել ու հասկանալ՝ ո՞նց է ստացվում, որ մեր բենզինի մեջ նավթի պարունակություն չկա»,- ասաց Բոստանջյանը:
Վերջինս նշեց, որ ոչ միայն բենզինի, այլև բազմաթիվ այլ ապրանքատեսակների գներ ևս, մրցակցային պայմանների բացակայության պայմաններում, ինչ ուզում, այն էլ անում են:
«Ինչ ուզում են, այն էլ կարող են անել: Դա կարող է հավասարաչափ վերաբերել ալյուրին, ցորենին, ընդհանրապես բոլոր այն ապրանքատեսակներին, որոնք մոնոպոլ վիճակում են, և որոնց տիրապետում է մի մարդ: Եվ, բնականաբար, այդ մարդն ունի ընդգծված աջակցություն, հովանավորություն՝ ամենաբարձր մակարդակներից»,- ասաց Բոստանջյանը:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
